Tewali Lyrics – David Lutalo ft. Pr. Bugembe

Lutalo
Nabonaabona nnyo nnyo
Kuva lwennayingira mu nsi
Nga mu by’okulya muwogo gwemmanyi
Mbu nazaalibwa n’ekintugumbula
Era maama takakasa oba ddala yenze
Ataava ku kitanda mu buto!
Mbu namalako emyezi mukaaga nga ntemya butemya bwenti siwummuza!
Abasawo nebagamba nnemye
Ne taata gyeyali akola
Omulimu gwaggwaawo n’atuuyana
Ng’abakulu n’abato maziga kwetukeerera
Seeyagala mu buto bwange
Era ne bwembadde nkula
Nga lwenkeesa maama lwembala
Nga ntundatunda bundaazi
Taata bweyasiikanga nsome
Tufune n’ezakamere ewaka
Ng’olumu babubba bambi
Nenkomawo nga maaso genteze
Muzeeyi n’ankaliga obuti
Mu bugoye obusensufu
Ng’empewo bw’ezze era bw’empitamu
Nava wabi nnyo nnyo oh!
Mukama olina amaanyi oh!

Both
Tewali nnaku ya lubeerera (oooh…)
Ku byendabye bwentyo bweŋŋamba (oh oh)
Kasita weesiga Mukama
Obaako n’emirembe (oh oh mwesige)
Tewali nnaku ya lubeerera (ooh)
Ku byendabye bwentyo bweŋŋamba
Kasita weesiga Mukama (mmuwe obulamu bwonna)
Obaako n’emirembe

Bugembe
Hmmm owa, Mukama olina amaanyi!
Hmmm owa, Mukama olina amaanyi!
Nzijukira e Masaka mu kyalo
Twali buto nga tuzannya
Ki kawumpuli gye ky’ava simanyi kifuule ewaffe eddwaniro!
Oyo mummy lwamutwala
Ne daddy lwamutwala
Ne buto bwange obutalina ttaabu yiii nabwo lwabutwala!
Twasigala tutyo ttayo
Awatali muzadde alabirira
Nensigala nga mpuuna buwuunyi nti owa!
Eyalwala siriimu yali omu
Y’eyasiiga ennyumba yonna
Hmmm Dawudi mbuuza nti atya?
Empiso y’ewaka yo yali emu
Gyebafumba bakubisa omulala
Twali baavu ebyo bwembijjukira hmm hmm!
Naye waliyo Katonda
Asobola okyusa embeera
Kati laba nzuuno nnyimba ne Dawudi Mukama olina amaanyi, eh!

Both
Tewali nnaku ya lubeerera (oooh…)
Ku byendabye bwentyo bweŋŋamba (oh oh)
Kasita weesiga Mukama
Obaako n’emirembe (oh oh mwesige)
Tewali nnaku ya lubeerera (ooh)
Ku byendabye bwentyo bweŋŋamba
Kasita weesiga Mukama (mmuwe obulamu bwonna)
Obaako n’emirembe

Double-Kick
Yaled

Both
Nkuyita ssebo
Katonda nannyini nsulo
Omutemi w’amakubo, oh hoo oh oh
Ne bw’oba ku zero
Mwekwate mulwanyi wa ntalo
Alikufuula hero, musabe eeh
Addamu essaala zaffe (zaffe)
Mmuyita musumba wange (wange)
Katonda wa taata wange ne mmange
Kati nno munnange nkugamba
Ofune eky’okkola ogezeeko
Webikalubye obikwase Katonda
Kabibe bigumu Yesu abigonza (abigonza)
Wadde tolina biwaawatiro
Yesu alina amaanyi
Ajja kkuwa ebiwaawatiro obuuke hmmm
Olinoonya abaasekanga (abaasekanga)
Abaajerega abeeyita abalogo (abaaloganga)
Gwe siga nsigo ozifukirire olinde olinde
Ennyumba yo eriba ya mukisa (ya mukisa)
Olisanyuka nebwoliba e Mulago (e Mulago)
Musabe omukisa akufukirire oyimbe baswale

Both
Tewali nnaku ya lubeerera (oooh…)
Ku byendabye bwentyo bweŋŋamba (teri teri)
Kasita weesiga Mukama
Obaako n’emirembe (oh oh mwesige)
Tewali nnaku ya lubeerera (teri teri teri)
Ku byendabye bwentyo bweŋŋamba (teri teri)
Kasita weesiga Mukama (mmuwe obulamu bwonna)
Obaako n’emirembe

Both
Tewali nnaku ya lubeerera (oooh…)
Ku byendabye bwentyo bweŋŋamba (teri teri)
Kasita weesiga Mukama
Obaako n’emirembe (oh oh mwesige)
Tewali nnaku ya lubeerera (teri teri teri)
Ku byendabye bwentyo bweŋŋamba (teri teri)
Kasita weesiga Mukama (mmuwe obulamu bwonna)
Obaako n’emirembe

Submit Corrections