Ennyimba Z’omukwano Remix Lyrics – Radio & Weasel

Radio
Tunula labayo omukwano bwe gutandise okumenyeka
Enkovu ezaali ziwonye ozizzeemu n’oyuzaayuza
Neeruma n’olulimi juuzi wano nga twogera
Mbu abalungi baggwayo ogumidde ku nze, omuntu omu
Singa nali nina amagezi agakulekawo ne kikoma awo
Gano amaziga ge nkukaabira
Ne nefunirayo agasangula
Okwagala nnaku obulwadde olukukwatako tebiwona
Mazima obeerera ddala ng’eyalwala kookolo okulemala, aah
Tuula twogere omulundi gwe gusembayo
Nzijukiza olunaku mu ddoboozi lyo
Nnyimbira akayimba akaali kaliko ooh, yeah

Radio
Ennyimba z’omukwano zinnyiiza
Ziwaanawaana nnyo abaagalana
Ne bwe nziba amatu era zinnoonya
Simanyi oba leero naakeesa!
Nakyawaganye ne gwe twagalana
Anyiiziizza omutima gumpalana, eeh

Weasel
Let me say yo!
Wandeka ttayo waŋŋamba wankyawa
Laba obuyimba bw’omukwano bwonna ne nkoowa
Eyalinga sweet wange wabisiba n’ogenda
Waŋŋamba wankoowa
Nzenna ne nkogga
Engoye tezintuuka
N’ekiro sikyaloota
Ebirooto bya ntiisa
Olimuggyawa omulungi ansinga?
Bwe nkugambako amatama n’ozimbya
Ne Mungu yampima kale mu basajja nze asinga
Gye mpitaayita abakyala bansiiya
Wewe y’eno essaawa zuukuka
Obudde budduka eno essaawa zidduka
Baby wange ekyo ekyejo kimala
Jangu gye nsula emirimu otandike okugikola

Radio
Ennyimba z’omukwano zinnyiiza
Ziwaanawaana nnyo abaagalana
Ne bwe nziba amatu era zinnoonya
Simanyi oba leero naakeesa!
Nakyawaganye ne gwe twagalana
Anyiiziizza omutima gumpalana, eeh

Radio
Mukwano sirina ssuubi walala yeggwe gwe nina
N’abali basaba date beerekerayo nabamenya
Aah ng’obadde onjagala ani atamanyi?
Wanzigya ne ku mmeeza wansalamu mu kifaananyi, yeah yeah yeah
Kino, naawe olinoonya abakutuulira ne babula
Nga nze akwagala onsudde awo n’owakankula abaalemwa
Nina essuubi gy’oli you’ll pardon me
Gwe ne bwe neebaka
Ne nnemwa okuzuukuka
Kankutonere akalabo olirabangako
Ojjukire akatebe ke natuulako
Okwagala kuba nkulaba bwe kusaanawo, yeah

Radio
Ennyimba z’omukwano zinnyiiza
Ziwaanawaana nnyo abaagalana
Ne bwe nziba amatu era zinnoonya
Simanyi oba leero naakeesa!
Nakyawaganye ne gwe twagalana
Anyiiziizza omutima gumpalana, eeh

Submit Corrections